Sunday, February 6, 2011

Eid-E- Miladun Nabi Mubarak Eid-E-Miladun Nabi Kyu Manate he?

12 Rabiul Awwal Sharif ka wo Mubarak din he jisme Aaftabe Risalat ne Tulue hokar tamam duniya ko apni Roshni se Munawwar kar diya. Farjandane Tohid is din ko yad karke dili khushi ka izhar karte he. Sham-E-Risalat ke parwane Sarwar-E-Qaynat Ki Muqaddas Sirat,Fazail wa kamalat,Humdo naat ke purkaif nagmo se apne dilo ko Munawwar karke Rub Tala ka Shukriya karte he aur apne Aaqa Ke Darbar me Dilse Durudo Salaam pesh karke sa'adat darren hasil karte he.


Lekin baj aise Badnasib bhi he jo Wiladate Rasool par khushi ki is badi sa'adat se Mehrum he aur dusre Musalmano ko bhi Mehrum Karne ki Koshish karte he. Quran-E-Muqaddas me Allah irshad farmata he,
"Yad dilao Unhe Allah tala ke din"
(Surah Ibrahim)
isi aayat ke tehat Hazrat Abdullah Bin Abbas farmate he ki Ayyamullah se Murada wo din he jinme Allah talane apne Bando par inam aur nemato ki barish farmayi. Aur Allah tala farmata he "Ae Mehboob Aap Farma de Allah ke Fajal aur uski Rehmat ke milne par chahiye ke log khub Khushi kare aur apne Rab ke Fajal ki khub charcha kare
(Surah Yunus)
To yakinan Rehmat-E-Aalam ki wiladat se badh kar aur kya nemat ho sakti he.
Sahibe tafsire ruhool bayan farmate he ki Milad Sharif Karna bhi Rasool-E-Akram ki tajim he
(Jild 5, Safa 661)

Beshak Milad-E-Mustfa Shab-E-Eid,Shab-E-Meraj,Shabebarat yaha tak ke Lailatul Qadra se bhi afzal he. Kyunki ye sub rate Huzoor hi ke sadqe aur tufail me Hum Musalmano ko nasib hui he. Khushi jahir karne ka waqt Lailatul Qadra he to Huzoor ke juhnor ka waqt Eid-E-Milad he. Milaudun Nabi ka Sabut Quran-E-Pak me Para-3,Ruku-16 me bhi saf maujud he. Jo iska inkar karte he wo Quran ke Munkir he. Allah pak Musalmano ko Milad-E-Mustfa ke tufail har gumrahi se mehfooz rakhe. Aur hum subko Humare Pyare Aaqa Ki Pyari sunnato par amal karne ki tofik ata farmaye. Allah tala is Mubarak Din Ke Sadke aur tufail hum subki pareshaniya dur farmaye.
Aameen
(Ek Martba Durud-E-Pak padhe)

1 comment:

Social Media Add This